മന്ത്രിസഭാ തീരുമാനങ്ങള് - Government Decisions 26.4.2017 ബീക്കണ് ലൈറ്റ് ഒഴിവാക്കുന്നു; മന്ത്രിമാരുടെ വാഹനങ്ങള്ക്കും റജിസ്ട്രേഷന് നമ്പര് സര്ക്കാര് തലത്തില് വാഹനങ്ങളുടെ ബീക്കണ് ലൈറ്റ് ഒഴിവാക്കാന് മന്ത്രിസഭ തീരുമാനിച്ചു. അതോടൊപ്പം മുഖ്യമന്ത്രിയുടെയും മന്ത്രിമാരുടെയും വാഹനങ്ങള്ക്ക് മോട്ടോര് വാഹനവകുപ്പിന്റെ റജിസ്ട്രേഷന് നമ്പര് കൂടി വയ്ക്കാനും തീരുമാനമായി. ഇപ്പോള് മന്ത്രിമാരുടെ വാഹനങ്ങള്ക്ക് റജിസ്ട്രേഷന് നമ്പര് പ്രദര്ശിപ്പിക്കുന്നില്ല. പകരം 1, 2, 3 തുടങ്ങിയ നമ്പറുകളാണ് നല്കുന്നത്. ആംബുലന്സ് , ഫയര്, പൊലീസ് മുതലായ എമര്ജന്സി വാഹനങ്ങള്ക്ക് ബീക്കണ് ലൈറ്റ് ഉപയോഗിക്കാം. ആറ് വ്യവസായ പാര്ക്കുകളില് ഏകജാലക ക്ലിയറന്സ് ബോര്ഡ് കിന്ഫ്രയുടെ മെഗാ ഫുഡ് പാര്ക്ക് (കോഴിപ്പാറ, പാലക്കാട്), കോഴിക്കോട് രാമനാട്ടുകര വ്യവസായ പാര്ക്ക്, കുറ്റിപ്പുറം വ്യവസായ പാര്ക്ക്, തൃശൂര് പുഴക്കല്പ്പാടം വ്യവസായ പാര്ക്ക്, കെഎസ്ഐഡിസിയുടെ അങ്കമാലി ബിസിനസ് പാര്ക്ക്, പാലക്കാട് ലൈറ്റ് എഞ്ചിനിയറിങ് പാര്ക്ക് എന്നിവക്ക് ബാധകമായ ഏകജാലക ക്ലിയറന്സ് ബോര്ഡ് രൂപീകരിക്കാന് മന്ത്ര...